Тошкентда автобус ҳайдовчилари ўртасида жанжал чиқди
Ҳолат бўйича шаҳар ИИББ маълумот берди.
Бугун, 28 февраль кунида Тошкент шаҳрининг Яшнобод туманида автобус ҳайдовчилари йўл талашиб жанжаллашди. Ҳолат юзасидан шаҳар ИИББ ахборот хизмати маълумот берди.
Қайд этилишича, соат 08:20 ларда автобус ҳайдовчилари — 1995 йилда туғилган M.M. ва 1991 йилда туғилган N.B. Яшнобод тумани Иззат кўчасида йўл талашиб, жамиятда юриш-туриш қоидаларини қасддан менсимасдан жамоат тартибини бузган.
Мазкур ҳолат юзасидан M.M. ва B.N.larga нисбатан Маъмурий жавобгарлик тўғрисидаги кодекснинг 183-моддаси (“Майда безорилик”) билан маъмурий баённома расмийлаштирилган.
