Тошкентда автобус йўналишларидан бири тўхтатилди
“Тошшаҳартрансхизмат” бунинг сабабини маълум қилди.
Хабарга кўра, Тошкент метрополитени ерусти ҳалқа йўлининг Турон (13-бекат) ва Қипчоқ (14-бекат) бекатлари 2024 йил 11 март, душанба кунидан ишга туширилади.
Шу муносабат билан, ушбу оралиқда вақтинчалик фаолият юритаётган “Тошшаҳартрансхизмат”нинг “12-автобус саройи” филиалига бириктирилган 1м-сонли Қипчоқ – Қурувчилар метроси вақтинчалик автобус йўналишида хизмат кўрсатиш 2024 йил 11 март кунидан бошлаб тўхтатилди.
Ушбу автобус йўналиши 2 та King Long русумли автобуслар асосида Турон ва Қурувчилар метро бекатларини ўзаро боғлаш мақсадида 2023 йилнинг апрель ойида вақтинчалик ҳаракатланиш учун ташкил этилган эди.
