Toshkent shahrining Yashnobod tumanida avtobuslar ishtirokida yo‘l-transport hodisasi yuz berdi.
Holat bugun, 15-may kuni soat 12:00 larda Yashnobod tumani Maxtumquli ko‘chasida sodir bo‘lgan. Unda 1979 yilda tug‘ilgan U. B. boshqaruvida bo‘lgan MAN rusumli avtobus va 1974 yilda tug‘ilgan K. A. boshqaruvida bo‘lgan Yutong rusumli avtobuslari o‘zaro to‘qnashgan.
Yo‘l transport hodisasi natijasida tan jarohati olgan yo‘q. Holat yuzasidan Toshkent shahar IIBB YHXB xodimlari tomonidan surishtiruv harakatlari olib borilmoqda.