Maʼlum qilinishicha, holat Mirobod tumani Fayzobod ko‘chasida gidravlik sinov vaqtida ro‘y bergan va shu joyning o‘zida barcha choralar ko‘rilgan. Hodisa oqibatida hech kim jabrlanmagan.
Hokimlikka ko‘ra, 20-iyundan 2-avgustgacha Toshkent shahrida issiqlik tarmoqlarining gidravlik sinovlari o‘tkaziladi.
Sinovlar davomida issiqlik tarmoqlari quvurlarining shikastlanishi va issiq suv yo‘llar va yo‘laklarga chiqishi mumkin.
Haydovchilar, piyodalar hamda maʼmuriy va turar-joy binolaridagi fuqarolardan ehtiyot bo‘lishlari so‘ralgan.