“Тоттенҳем”нинг унутилган юлдузлари
Улар орасида “Реал” афсонасига айланган фуболчи ҳам бор.
Паулиньо (Бразилия)
Бразилиялик ярим ҳимоячи 2013 йилдан 2015 йилгача инглиз клубида ўйнаган. Ҳаммаси бўлиб, у клуб сафида барча мусобақаларда 67 та ўйин ўтказиб, 10 та гол урган ва 7 та голли узатмани амалга оширган.
Кевин-Принс Боатенг (Гана)
2007 йилда “Тоттенҳем” ганалик футболчининг трансферини 5,4 миллион фунт стерлингга сотиб олади. Мавсум давомида Боатенг мураббий Мартин Йўл билан муносабатлари кескинлашгани учун бор-йўғи 21 та ўйин ўтказишга муваффақ бўлади ва сўнгра жамоани тарк этади.
Юрген Клинсман (Германия)
Немис футболчиси ўз фаолиятида икки марта - 1994-1995 ва 1998 йилларда “шпорлар” шарафини ҳимоя қилган. Биринчи мавсумда у 50 та ўйин ўтказиб, 29 та гол урган. Бу унга Англияда йилнинг энг яхши футболчиси сифатида эътироф этилишига сабаб бўлади.
Фернандо Ллоренте (Испания)
2010 йилги жаҳон чемпиони 2017 йилда “Тоттенҳем”га кўчиб ўтади. 2019 йилда “шпорлар” Чемпионлар лигаси финалига чиқади. Лёренте 1/4 ўйинда “Манчестер Сити” устидан ғалаба қозонишда ўзининг муносиб ҳиссасини қўшади.
Роберто Солдадо (Испания)
Истеъдодли испаниялик футболчи 2013 йилдан 2015 йилгача инглиз клуби шарафини ҳимоя қилган. У жами 76 та ўйин ўтказиб, 16 та гол урган ва 11 та голли узатмани амалга оширган.
Рафаэл ван дер Варт (Нидерландия)
2010 йилги жаҳон чемпионати кумуш медали совриндори ўша йилги жаҳон чемпионатидан сўнг дарҳол “шпорлар” билан шартнома имзолайди. Уч йил давомида голландиялик футболчи 77 та учрашув ўтказиб, 28 та гол урди.
Лука Модрич (Хорватия)
“Реал Мадрид” афсонасига айланишдан олдин хорват футболчиси “Тоттенҳем”да тўрт мавсум ўтказган (2008-2012). Модрич учун ушбу йиллар омадли ўтмаган. У майдондаги муваффақиятсизликлар ва кетма-кет жароҳатлар олади.
Ведран Корлука (Хорватия)
Модричнинг “Тоттенҳем”даги яхши шериги Ведран Корлука эди. У Лондон жамоаси “Манчестер Сити”дан келиб қўшилади. Натижада, хорват клубда тўрт мавсум тўп суради. У барча мусобақаларда 109 та ўйин ўтказган.
