Трамп АҚШнинг космик миллий гвардиясини тузмоқчи
У президентликка сайланса, буни амалга оширишга ваъда берди.
Республикачилар партиясидан президентликка номзод Детройтда бўлиб ўтган Миллий гвардия бош конференциясида шундай баёнот берди.
“Биринчи президентлик муддатимдаги энг катта ютуқларимдан бири Қуролли Кучларнинг 70 йилдан ортиқ вақтдан бери биринчи янги бўлинмаси бўлган Космик кучларни ташкил этиш бўлди. Энди мен АҚШ Космик кучларининг асосий жанговар захираси сифатида Космик кучлар Миллий гвардиясини яратиш вақти келди деб ҳисоблайман”, — дея таъкидлади Трамп ўз нутқида.
АҚШ Космик кучлари расман Трампнинг президентлик даврида, 2019 йил 20 декабрда ташкил этилган эди.
