IHTning Islom tarixi, sanʼati va madaniyatini tadqiq etish markazi (IRCICA) binosida O‘zbekistondagi Islom sivilizatsiyasi markazi va IRCICA hamkorligidagi tadbirlar boshlandi.
Ularlan biri mamlakatimizning qadimiy va boy tarixi, betakror madaniyati haqida “Yangi O‘zbekiston: Zamon, makon va madaniy meros” mavzusidagi fotoko‘rgazmadir. Unda O‘zbekistondagi Islom sivilizatsiyasi markazi direktori Firdavs Abduxalikov, IRSISA direktori va WOSCU Kengashi aʼzosi Mahmud Erol Qilich, Tekirdag‘ universiteti professori hamda O‘zbekistondagi Islom sivilizatsiyasi markazi ilmiy maslahatchisi Halit Eren va qator ekspertlar ishtirok etyapti.
Galdagi bo‘lib o‘tadigan tadbir esa “O‘zbekiston-Turkiya: tutash ildizlar va umumiy meros” media-ivent dasturi. Undan dunyoning eng nodir “114 Qurʼoni” loyihasi, “O‘zbekiston bilan bog‘liq Turkiyadagi eng nodir qurʼon qo‘lyozmalari durdonalari”, “To‘pqopi saroyi muzeyidagi temuriylar davriga oid nodir qo‘lyozmalar va ashyolar”, Imom Termiziy xalqaro ilmiy-tadqiqot markazi, Imom Moturidiy ilmiy tadqiqot markazi, O‘zbekistondagi islom sivilizatsiyasi markazi muzeylari taqdimoti bo‘lib o‘tadi.