“У Роналдудан кейин энг иқтидорли футболчи”
“Манчестер Юнайтед”нинг яна бир футболчиси “кўкка кўтарилди”.
“Манчестер Юнайтед”нинг собиқ ҳужумчиси Луи Саха “қизил иблислар” ҳужумчиси Маркус Рашфорд ҳақида ўз фикрлари билан ўртоқлашди.
“Решфорд бир мавсумда 30-40 та гол ура оладиган футболчи. Бунга ҳеч қандай шубҳа йўқ. У ҳамма нарсани қила олади. Маркус Ҳоланд ва Мбаппе даражасида ўйнай олади. Агар Решфорд ўзига бўлган ишончни сақлаб қолса, уни ҳеч нарса тўхтата олмайди. Шунда ҳамма нарсага эриша олади. Криштиану Роналдудан кейин “Манчестер Юнайтед”да бундай иқтидорли футболчини кўрмаганман. Унга Месси ва Роналду каби спорт тажовузкорлиги ва ўзига ишонч керак”, — дея собиқ футболчининг сўзларидан “Compare.bet” нашри иқтибос келтирди.
