Bosh prokurorning buyrug‘iga asosan Namangan, Andijon va Samarqand viloyatlariga yangi prokurorlar tayinlandi. Bu haqda Bosh prokuratura matbuot xizmati xabar berdi.
Bosh prokurorning buyrug‘iga asosan uchta viloyatga prokurorlar tayinlandi. Jumladan:
-
adliya katta maslahatchisi Xodjayev Marufxon Maksudovich Andijon viloyati prokurori lavozimiga tayinlandi. Tayinlovga qadar Xodjayev Transport prokurorining birinchi o‘rinbosari lavozimida ishlagan;
-
adliya katta maslahatchisi Eshnazarov Murodqosim Xamzayevich Samarqand viloyati prokurori lavozimiga tayinlandi. Tayinlovga qadar Eshnazarov Bosh prokuraturada boshqarma boshlig‘i lavozimida ishlagan;
-
adliya katta maslahatchisi Madraximov Umirbek Muxammadovich Namangan viloyati prokurori lavozimiga tayinlandi. Tayinlovga qadar Madraximov Bosh prokuraturada boshqarma boshlig‘i lavozimida ishlagan.
Bundan tashqari, Prezidentining tegishli farmoniga asosan adliya katta maslahatchisi Hatamov Jahongir Jo‘rayevich Bosh prokurorning o‘rinbosari lavozimiga tayinlandi. Tayinlovga qadar Hatamov Samarqand viloyati prokurori lavozimida ishlagan.
Shuningdek, adliya katta maslahatchisi To‘xtaboyev Sherzod Jalolovich Bosh prokurorining o‘rinbosari lavozimiga tayinlandi. Tayinlovga qadar To‘xtaboyevBosh prokuraturada boshqarma boshlig‘i lavozimida ishlagan.
Shu bilan birga, Bosh prokurorining buyrug‘iga asosan adliya katta maslahatchisi Narimov Ikrom Shermatovich Transport prokurori lavozimiga tayinlandi. Tayinlovga qadar Narimov Toshkent shahar prokurorining birinchi o‘rinbosari lavozimida ishlagan.