Ташқи савдо ҳажми 65,4 млрд долларга етди: юқори улушга эга ТОП-10 давлат маълум қилинди
Ўзбекистоннинг ташқи савдо айланмаси 2025 йилнинг январь-сентябрь ойларига нисбатан 6,3 фоизга ошган.

2026 йилнинг январь–сентябрь ойларида Ўзбекистоннинг ташқи савдо айланмаси 65,4 миллиард долларни ташкил этди. Савдо айланмасида энг катта улуш Хитой ва Россия ҳиссасига тўғри келган.
Миллий статистика қўмитаси маълумотларига кўра, Ўзбекистоннинг ташқи савдо айланмаси 2025 йилнинг мос даврига нисбатан 3,9 миллиард долларга ёки 6,3 фоизга ошган.
Мазкур даврда Ўзбекистон ташқи савдо айланмасида юқори улушга эга бўлган ТОП-10 давлат:
- Хитой — 15,2 млрд АҚШ доллари;
- Россия — 10,5 млрд АҚШ доллари;
- Қозоғистон — 4,3 млрд АҚШ доллари;
- Туркия — 2,2 млрд АҚШ доллари;
- Афғонистон — 1,6 млрд АҚШ доллари;
- Корея Республикаси — 1,4 млрд АҚШ доллари;
- БАА — 1,4 млрд АҚШ доллари;
- Франция — 1,3 млрд АҚШ доллари;
- Гонконг (Хитойнинг махсус маъмурий ҳудуди) — 1,3 млрд АҚШ доллари;
- Қирғиз Республикаси — 1,1 млрд АҚШ доллари.
Ушбу давлатлар ҳиссасига Ўзбекистон умумий ташқи савдо айланмасининг 61,5 фоизи тўғри келган.








