Unda aytilishicha, isteʼmolchilar tomonidan Telegram kanallar, shuningdek, boshqa internet tarmoqlarida “UzAuto Motors”ning avtomobil modellari orasida oq rang ustunligi bo‘yicha muhokama olib borilgan. Ijtimoiy tarmoq foydalanuvchilari tomonidan o‘rtaga tashlangan — “Nimaga ikki xil rangli avtomobil ishlab chiqaryapsiz?” savoli muhim ahamiyat kasb etgan.
“Biz uchun isteʼmolchilarning fikri juda muhim. Mijozlar tomonidan keng qo‘llab-quvvatlanilgan ushbu taklif kompaniya tomonidan operativ tarzda ko‘rib chiqildi. Shundan so‘ng, “UzAuto Motors” rahbariyati blogger va avtomobil ishqibozlarini noodatiy dizayndagi “Chevrolet Lacetti”, “Chevrolet Cobalt”, “Chevrolet Nexia”, “Chevrolet Spark” modellari bilan tanishishga taklif qildi”, — deyiladi “UzAuto Motors” saytida.
O‘zgarishlar nafaqat kuzov rangi, balki interyer dizayni, disk va logotiplarga ham taʼsir ko‘rsatgan. Korpusdagi qarama-qarshi chiziqlar, avtomobil rangiga moslangan o‘rindiq dizayni, qoraytirilgan oynalar o‘zgarishlarning hali hammasi emas.
“Aslini olib qaraganda, “Lacetti”, “Cobalt”, “Nexia” va “Spark” avtomobil modellarining tyuning varianti yaratildi”, — deya izoh bildiradi kompaniya vakillari.
Eslatib o‘tamiz, bundan avval “UzAuto Motors” “Spark” va "“Lacetti” avtomobillarini ishlab chiqarishni vaqtincha to‘xtatgani haqidagi maʼlumot tasdiqlangani, Kusherbayev Qozog‘iston telekanalida “UzAuto Motors” haqidagi xabarga munosabat bildirgani hamda “General Motors” sotilgan avtomobillarini qaytarib olmoqchi ekani haqida xabar berilgandi.
Olamgir Abdiyev