Milliy geofizika va vulqonologiya instituti olib borgan tadqiqot natijalariga ko‘ra, 2150 yilga kelib Venetsiya butunlay suv ostida qolishi mumkin. Olimlar 2050, 2100 va 2150 yillar uchun modellashtirish olib borishdi. Unga ko'ra, eng yomon ssenariyda shaharni suv to‘liq qoplashi ehtimoli borligi aniqlandi.
Mutaxassislarning fikricha, hozirda mavjud Muso to‘siq tizimi suv toshqinidan himoya qilish uchun yetarli bo‘lmaydi. Bundan tashqari, iqlim o‘zgarishi va quruqlik darajasining pasayishi Venetsiyaning dengiz suvlari tomonidan asta-sekin yutilishiga sabab bo‘lmoqda. Hozirgi vaqtda yerning cho‘kishi yiliga 7 millimetrni tashkil qilmoqda.
Olimlar qo‘shimcha himoya choralarisiz Venetsiya nafaqat mahalliy aholi, balki dunyo madaniy merosi uchun ham katta xavf ostida qolishini ta’kidlamoqda. "Ko‘p suv" ta’siri va dengiz to‘lqinlari tufayli shahar yo‘qolish arafasida turibdi, deya ogohlantiradi mutaxassislar.