Xitoyda yana Covid-19 bilan ommaviy kasallanish holatlari aniqlandi. Bu haqda Xitoy Sog‘liqni saqlash davlat qo‘mitasi xabar berdi.
Qo‘mita maʼlumotlariga ko‘ra, kasallanish holatlari Xitoy shimoli-g‘arbida Gansu, Xeylunszyan viloyatlari va ichki Mo‘g‘uliston avtonom rayonida aniqlangan. Xususan, Xeylunszyan provinsiyasidagi Xeyxe shahridan 27 oktyabr kuni pnevmoniya yuqtirgan bemor chiqqan. Shundan keyin yarim million aholisi bo‘lgan Xeyxe shahri karantinga olingan.
Hozircha jami 93 kishi koronavirus bilan kasallangan. Hukumat bu hududlarda darhol cheklovlar joriy etdi, ammo bu amalda natija bermayapti va kasallanish holatlari o‘sishda davom etmoqda.
Bundan avval dunyoda koronavirusga qarshi qancha dozada vaksina qo‘llanilgani maʼlum qilingandi. Shuningdek, Koronavirus Uxan shahrida 2019 yilning yozidayoq tarqalgan bo‘lishi mumkinligi xabar qilingandi.
Jahongir Qo'ziyev