Yaponiya kosmik agentligi JAXA Marsga tadqiqot apparatlarini xavfsiz yetkazib berish uchun qo‘nish platformalari yaratishga kirishdi. Bu texnologiya shishiriladigan himoya ekrani va dvigatelli yumshoq qo‘nish tizimiga asoslanadi.
Platforma 200 kg gacha bo‘lgan yuklarni, jumladan kichik roverlarni Marsga yetkazish imkonini beradi. Loyiha Oyga yuborilgan SLIM moduli tajribasi hamda Marsning Fobos yo‘ldoshiga rejalashtirilgan MMX missiyasi ishlanmalari asosida ishlab chiqilmoqda.
Shishiriladigan ekran parashyutlar va og‘ir qalqonlarga ehtiyojni kamaytiradi. Yengil, ixcham va bardoshli konstruksiyalar zamonaviy materiallar orqali yaratilmoqda.