Евроиттифоқ Россияга қарши янги санкциялар муҳокамасини бошлади
Аъзо давлатлар ўртасидаги турли фикрлар ва қарашлар туфайли муҳокама узоқ давом этиши мумкин.
Европа Иттифоқига аъзо давлатлар 10 май куни Россияга қарши янги санкцияларнинг биринчи муҳокамасини бошлади. Бироқ музокаралар чўзилиб кетиши мумкин, деб ёзади «Reuters».
Баъзи давлатлар санкцияларни жуда юмшоқ деб ҳисобласа, бошқалари эса халқаро алоқаларига путур етказишдан қўрқишади. Бир қатор дипломатлар таъкидлаганидек, кенг кўламли турлича қарашлар яқин орада келишув кутилмаслигини билдиради.
Еврокомиссия раҳбари Урсула фон дер Леен 9 май куни Киевда янги санкциялар Россиянинг мавжуд савдо чекловларини четлаб ўтишни тўхтатишга қаратилганини ва Г7 давлатлари билан яқин ҳамкорликда ишлаб чиқилганини айтди.
“Агар биз товарлар Европа Иттифоқидан учинчи давлатларга чиқиб кетиб, кейин Россияга кираётганини кўрсак, бунга чора кўришимиз керак", — дейди Еврокомиссия раҳбари.
