Европа давлатларидан бошпана сўровчилар сони камаймоқда
Германия аризалар сони бўйича етакчилик қилмоқда.
"2024 йилда Европа Иттифоқи мамлакатлари, Норвегия ва Швейцарияда бошпана олиш учун бирламчи аризалар сони тахминан 12% га камайиб, 1,008 миллионни ташкил этди. 2023 йилда бу кўрсаткич 1,14 миллион эди", деб хабар бермоқда Европа Иттифоқининг Бошпана масалалари бўйича агентлиги.
Германия бошпана олиш учун бирламчи аризалар сони бўйича етакчилик қилмоқда: ўтган йили деярли 236 мингта ариза топширилган. Иккинчи ўринда Испания (165,4 минг), ундан кейин Франция (158,5 минг) ва Италия (154,8 минг) жойлашган. 2024 йилда бошпана олиш бўйича энг кам ариза Венгрияда топширилган – атиги 29 та.
Ўтган йили Европа Иттифоқи давлатларидан бошпана сўровчиларнинг асосий қисми Суриядан (15%) бўлган. Кейинги ўринларда Афғонистон (8,7%), Венесуэла (7,3%) ва Туркия (5,5%) турибди.
