Грузияда Ички ишлар вазирлиги коронавирусга қарши эмлашни рўйхатдан ўтказиш жойидаги киберҳужум юзасидан тергов бошлади
Хитойнинг “Синофарм” ваксинасини рўйхатдан ўтказиш бугун тонгда бошланиши керак эди, аммо бу амалга ошмади. Эрталаб Соғлиқни сақлаш вазирлигининг махсус платформаси ўчирилган.
Бироз вақт ўтгач, вазирлик бу кечикиш катта киберҳужум билан боғлиқлигини айтди. Грузия Соғлиқни сақлаш вазирлиги яқин келажакда муаммони бартараф этишга ваъда бермоқда.
Ўз навбатида, Ички ишлар вазирлиги томонидан компютер маълумотлари ва компютер тизимларидан ноқонуний фойдаланиш, шунингдек компютер маълумотларига ва компютер тизимига тажовуз қилиш моддалари билан иш очилди.
Эслатиб ўтамиз, аввалроқ Швецияда хакерлар йирик супермаркетлар тармоғининг ишини тўсиб қўйишган эди. 800 дўконда хизмат тўхтатилди, хакерлар кассаларга кириш ҳуқуқини қўлга киритишган.
