Сохта ваксина билан эмлаган шифокорлар қўлга олинди
Мумбай полицияси коронавирусга қарши ваксинани сохталаштирган 14 нафар тиббиёт ходимини ҳибсга олди.
Шифокорлар одамларни оддийгина натрий хлор билан эмлашган.
Маълум бўлишича, 2021 йилнинг май ва июн ойларида шаҳарда 12та сохта эмлаш марказлари ташкил этилган. Умумий ҳисобда 2,5 минг кишига ваксина ўрнига натрий хлор юборилган.
Терговчиларнинг фикрига кўра, жиноятга турли шифохоналарда ишлайдиган шифокорлар алоқадор. Гап шундаки, улар тиббиёт муассасасига дахлдорлик ҳуқуқи асосида сертификатларни ҳамда ваксинани соҳталаштиришга эришган.
Июн ойида шунга ўхшаш ҳолат Кенияда кузатилган. Маҳаллий шифокорлар кишиларга ваксина ўрнига тиббиётда қўлланиладиган тузли сув юборишган ва пул талаб қилишган. Мутахассислар Aфрика мамлакатлари аҳолиси AстраЗенеcа ваксинасини бепул кўринишда олишлари мумкинлигини, бироқ танқислик шароитидан шифокорларнинг айримлари уддабуронларча фойдаланишганини айтишмоқда.
