Дональд Трамп Facebook, Twitter ва Google каби технологик гигантларни судга беришини эълон қилди
Трамп ижтимоий тармоқлар фаолиятини зудлик билан тўхтатиш ва "Америка халқининг ноқонуний ва шармандали цензурасига" чек қўйишни талаб қилди.
"Улар айнан шу билан шуғулланади. Биз аккаунтларни соядан тури блоклаш, сукут сақлаш ва қора рўйхатларга барҳам беришни талаб қиламиз", - деди собиқ президент.
Шунингдек, у "бу гигант ижтимоий тармоқларга жарима санкцияларини қўллаш" зарурлигини айтди.
Шунингдек, у мазкур суд жараёни бутун мамлакат учун муҳим ўзгариш нуқтаси бўлишига умид билдирди.
Дональд Трамп ақш президенти лавозимини бажараётган сўнгги ҳафталарида унинг Twitter, Facebook ва Instagram саҳифалари фаолияти тўхтатиб қўйилган эди. Бу 6 январь куни Трамп тарафдорларининг Вашингтондаги Капитолий тепалигига ҳужуми билан боғлиқ.
Аккаунтлари блоклангунича Трампни Twitter´да қарийб 89 млн, Facebook´да 35 млн ва Instagram´да 24 млн фойдаланувчи кузатарди.
Шарофат Маҳмудова
