Оқ уй Байденнинг иқтисодиётдаги рақобатни кучайтиришга қаратилган қарорини эълон қилди
Байденнинг янги қарори товарлар ва хизматлар нархи пасайиши, иш ҳақи ошиши, инновациялар жорий этилиши ва иқтисодиёт ўсишига хизмат қилади.
Оқ уй баёнотида айтилишича, ўн йиллар давомида АҚШда корпорациялар бирлашуви жараёни давом этган, бу эса ўз навбатида Америка иқтисодиётининг турли соҳалари, жумладан соғликни сақлаш, молия, қишлоқ хўжалиги ва бошқа тармоқларнинг 75 фоизи саноқли компаниялар назоратига ўтиб кетишига олиб келган. “Рақобатнинг йўқолиши истеъмолчилар учун нархлар ошишига олиб келади, рақобатнинг мавжуд бўлмаслиги шунингдек ишчилар учун иш ҳақининг пасайишига ҳам сабаб бўлади” дейилади баёнотда.
Оқ уйга таяниб маълумот берган тадқиқотлар натижаларига кўра иқтисодиёт тармоқларининг йирик компаниялар қўлида тўпланиши ортидан ҳозирнинг ўзида иш берувчилар маошларга ажратиладиган пулларни 17 фоизга қисқартиришган, миллионлаб америкаликлар рақобатсиз шароитда тақдим этилган шартномалар тузишга мажбур бўлишмоқда. Бунинг ортидан ҳозирда ҳар бир АҚШ оиласи йилига 5000 $ зарар кўрмоқда.
Ушбу қарор ўндан ортиқ федерал ташкилотларга қаратилган 72 ташаббусни ўз ичига олиб, бу ташкилотлар президент қарорининг бевосита ижроси билан шуғулланишади.
