ЖССТ коронавирус биринчи марта аниқланган лабораторияларда текширув ўтказади
Жаҳон соғлиқни сақлаш ташкилоти 2019 йил декабрида биринчи марта коронавирус аниқланган лабораторияларда текширув ўтказмоқчи.
Бу ҳақда ЖССТ бош директори Тедрос Адханом Гебрейесус эълон қилди.
Олдинроқ у коронавируснинг лабораторияда сунъий яратилган бўлиши мумкинлиги ҳақидаги тахминдан воз кечмасликка чақирган эди.
ЖССТ котибияти одамлар, ёввойи ҳайвонлар, фермаларда сақланадиган жониворлар ва атроф-муҳитда комплекс тадқиқот ўтказади. Олдинроқ SARS-CoV-2 аниқланган асосий географик туманлар ва уларга қўшни ҳудудлар ўрганилади.
Ташкилот Ухандаги жониворлар сотиладиган бозорларини ҳам текширади. Шунингдек, айрим лабораториялар, тадқиқот марказларида аудит ўтказилади.
Тедрос Адханом Гебрейесус патогенлар ёки SAGO'нинг янги ҳолатлари бўйича доимий амал қилувчи илмий маслаҳат гуруҳлари тузилишини таъкидлади. Гуруҳнинг вазифаларига пандемияга олиб келиши мумкин бўлган янги вирусларни аниқлаш киради.
