Муроджон Аҳмадалиев - Ронни Риос жанги қачон ўтказилиши маълум бўлди
Matchroom Boxing компанияси раҳбари Эдди Хирн Муроджон Аҳмадалиев ҳамда Ронни Риос ўртасидаги жангнинг манзили ва вақтини маълум қилди.
Ҳамюртимиз ўзига тегишли камарларни 28 август куни Лос-Анжелесда америкалик мажбурий даъвогар Ронни Риосдан ҳимоя қилади. Аввалроқ, "Matchroom Boxing" компанияси 525 555 АҚШ доллари эвазига ушбу жангни ташкил этиш ҳуқуқини сотиб олганди.
Ушбу жанг учун шунингдек, Оскар Де Ла Хойя раҳбарлигидаги "Golden Boy" промоутерлик компанияси ҳам қизиқиш билдирганди. Улар 503 минг долларлик таклифни амалга оширишганди.
Эслатиб ўтамиз, IBF ва WBА камарлари соҳиби бўлган Муроджон Аҳмадалиев сўнгги жангини шу йилнинг апрель ойида Тошкентда собиқ чемпион Рёсуки Ивасага қарши ўтказиб, япониялик рақибини бешинчи раундда мағлуб этишни уддалаганди.
