Сноуден Байденнинг телефони ҳам эшитилиши мумкинлигини айтди
Америка махсус хизматларининг собиқ ходими Эдвард Сноуден Исроилнинг NSO компаниясининг Америка телефонларини кузатиш мумкин эмаслиги ҳақидаги эълонини ғирт ёлғон деб атади.
Унинг айтишича, Франция президенти Эммануэль Макроннинг iPhone'ига кириш учун иш берган код АҚШ президенти Жо Байденнинг iPhone телефонида ҳам худди шундай натижа кўрсатади.
Бу ҳақда Сноуден ўз Twitter саҳифасида ёзган.
"Макроннинг iPhone'ига қарши ишлаган эксплойт Байденнинг iPhone'ида ҳам худди шундай ишлайди."
Олдинроқ Франция президенти Эммануэль Макрон, ўша пайтдаги бош вазир ва яна 14 вазирнинг телефонларида Исроилнинг Pegasus дастурий таъминоти орқали жосуслик қилинган бўлиши мумкинлиги ҳақида хабар берган эдик.
Шарофат Маҳмудова
