Телеграм асосчиси Павел Дуров 2011 йилдан буён телефонлари кузатилишини айтди
«ВКонтакте» ижтимоий тармоғи ва Телеграм мессенжери асосчиси Павел Дуров телефони махсус дастурлар орқали кузатилаётганини 2018 йилдаёқ билганини айтди.
Бу ҳақда у ўз Телеграм-каналида ёзди.
"Аллақачон, 2018 йилдаёқ мен телефонларимдан бири махсус дастурлар ёрдамида кузатув рўйхатига киритилганини билардим. Мен ҳайрон бўлмадим, чунки 2011 йилдан бери ишлатадиган телефонларим олдиндан кузатилишига кўникиб қолганман. Менинг шахсий маълумотларимга кира олган одамнинг ҳафсаласи пир бўлади, чунки улар ҳеч қандай муҳим маълумот топа олишмайди" , - деб ёзган Дуров.
Олдинроқ Франция президенти Эммануэль Макрон, ўша пайтдаги бош вазир ва яна 14 вазирнинг телефонларида Исроилнинг Пегасус дастурий таъминоти орқали жосуслик қилинган бўлиши мумкинлиги ҳақида хабар берган эдик.
Пегасус дастурий таъминоти ишлаб чиқувчиси, Исроилнинг НСО Гроуп ташкилоти Павел Дуров ҳам махсус дастур ёрдамида кузатувда бўлган одамлар қаторида бўлиши мумкинлигини эълон қилган.
Шарофат Маҳмудова
