Алп тоғлари ҳудудлари тошқин остида қолди
Италиянинг Алп тоғлари этакларидаги ҳудудлар кучли тошқиндан азият чекмоқда.
Дарёлар ва сойлар кўп миқдордаги ёғингарчиликдан сўнг бўронли оқимларга айланди. Кўплаб уйлар сув остида қолди, ўнлаб автомобиллар зарар кўрди. Уйларида қолиб кетган 50 киши қутқариб олинган.
Бриенно муниципалитетида ер кўчкиси натижасида газ сизиб чиқди.
Табиий офатдан кўрилган моддий зарар миқдори жуда катта деб баҳоланмоқда. Қурбонлар ва жароҳатланганлар ҳақида маълумот йўқ.
Юзлаб қутқарувчилар, фуқаро муҳофазаси ходимлари ва кўнгиллилар салбий об-ҳаво оқибатларини енгишга ёрдам беришмоқда.
