Эрдўған: “Туркия афғон қочқинларини қабул қилмайди”
Ражаб Тоййиб Эрдўған Туркия афғон қочқинларини қабул қилмаслигини маълум қилди. Бу ҳақда Reuters агентлиги хабар берди.
Бу ҳақда Reuters агентлиги хабар берди.
Туркия президенти мамлакатни “Европа учун афғон мигрантлари қўриқхонаси” га айлантирмаслигини айтган. Унинг сўзларига кўра, Анқара қочқинларни тўхтатиш учун Эрон билан етарли чора-тадбирларни амалга оширган. Эндиликда Европа шунга мос қадамлар қўйиши лозим.
Шунингдек, Эрдўған биргаликда муҳим муаммоларни ҳал қилиш мақсадида “Толибон” билан музокараларга тайёр эканини эълон қилди.
Афғонистонда вазият айниқса “Толибон” ҳокимиятни эгаллагандан кейин кескинлашди. Кобул аэропортида минглаб одамлар чет мамлакатларга кетиш учун навбат кутмоқда. Кўплаб Ғарб давлатлари қочқинларни қабул қилишга тайёр эканини билдирди. Жумладан, Буюк Британия 20 минг афғон мигрантларини қабул қилади. АҚШ ҳам кўплаб афғонистонликларни олиб кетяпти. 19 август ҳолатига кўра, Вашингтон 5 мингдан ортиқ кишини эвакуация қилган.
