Янги Зеландияда Pfizer вакцинасидан биринчи одам ўлди
Маълумотларга кўра, Янги Зеландия Соғлиқни Сақлаш Вазирлиги 30 август куни беморнинг ўлимига юрак мушагининг яллиғланишига олиб келган камдан-кам учрайдиган ножўя таъсир сабаб бўлганини эълон қилди.
Янги Зеландияда Пфизер вакцинаси билан боғлиқ биринчи ўлим қайд этилди, деб хабар беради ЎзА.
Вакциналарни кузатиш гуруҳи ўлимни Пфизер вакцинасининг кам учрайдиган, аммо маълум бўлган ён таъсири бўлган миокардит билан боғлаган.
Қайд этилишича, миокардит-юрак мушагининг яллиғланиши бўлиб, у органнинг қон қуйиш қобилиятини чеклаб, юрак уриш тезлигининг ўзгаришига олиб келиши мумкин.
Пфизер воқеага изоҳ берди ва эмлашдан кейин касаллик белгилари бўлиши мумкинлигини тан олди, лекин бундай ён таъсири жуда кам учрайди.
Агентлик, шунингдек, эмлашдан кейин бошқа тиббий муаммолар ҳам танага таъсир қилиши мумкинлигини таъкидлади.
Эслатиб ўтамиз, аввалроқ ССВ Наманганда вакцина таъсирида фалаж бўлиб қолган аёл бўйича баёнот берганди ҳамда ССВ кимлар вакцина олмаслиги мумкинлигига аниқлик киритилганди.
