«Real Madrid» «Bernabeu»га қайтишини 5 та гол билан нишонлади
Испания чемпионатининг 4-турида «Real» ўз майдонида «Selta» клубини қабул қилиб, ҳисобда икки марта ортда қолаётганига қарамай якунда йирик ғалабани қўлга киритди.
Учрашувда мезбонлардан Карим Бензема хет-трик қайд этган бўлса, мадридликлар сафига яқинда келиб қўшилган Камавинга дебют ўйинида захирадан майдонга тушиб 6 дақиқа ичида тўп киритишга муваффақ бўлди. Шунингдек, Винициус ҳам ўз ҳисобига гол ёздириб қўйди. «Vigoliklar»дан «Mina» вa «Servi Madrid» клуби дарвозасини ишғол этди.
Маълумот учун, «қироллик клуби» 18 ойдан сўнг илк бор «Santyago Bernabeu»да ўйин ўтказди.
Ушбу баҳсдан кейин «Real» очколарини 10тага етказиб, 1-ўринга кўтарилиб олди. «Selta» эса 1 очко билан 18-поғонани эгаллаб турибди.
Эслатиб ўтамиз, Франциялик 33 ёшли ҳужумчи Карим Бензема «Real» билан амалдаги шартномасини узайтирганди.
Аввалроқ, Европанинг энг кучли бешта чемпионатида янги футбол мавсуми бошлангани ҳақида хабар берилганди.
Жамшидбек Амиров
