Серхи Роберто «Бавария» билан ўйиндан сўнг кийиниш хонасида йиғлаб юборди
Кеча Чемпионлар лигаси гуруҳ босқичининг 1-тур ўйинларига старт берилди. Турнинг асосий ўйини дея эътироф этилган «Бавария» ҳамда «Барселона» ўйинида мюнхенликларнинг қўли баланд келди.
Негелсман шогирдлари Тер Стеген қўриқлаётган дарвозага жавобсиз 3 та гол киритди.
Каталонларнинг тажрибали ўйинчиси Серхи Роберто майдонда негадир тўпни бир неча бор олдириб қўйди. Бу эса «Camp Nou»га йиғилган мухлисларга ёқмади ва улар ҳуштакбозлик билан ўз норозилигини намойиш этди.
Ўйин тугаганидан сўнг Роберто «Барселона»нинг кийиниш хонасида йиғлаб юборган. У билан узоқ йиллардан буён бирга тўп сураётган Серхио Бускетс ва Жерар Пике футболчини тинчлантиришга уринган.
Кўплаб манбаларнинг таъкидлашича, ўйиндан сўнг «Барселона»нинг кийиниш хонасида тушкун кайфият ҳукм сурган. Лекин ўйинчилар айбни айнан бир футболчига ағдармаган ва тортишувлар бўлмаган. Жамоанинг тажрибали футболчилари бўлган нарсаларни унутиб, келгуси учрашув ҳақида ўйлаш кераклигини тушунтирган.
Маълумот учун: бу икки жамоа 8 ноябрь куни жавоб учрашувида яна тўқнаш келади.
Эслатиб ўтамиз, бундан аввал «Барселона»нинг амалга ошмай қолган Родриго трансфери ҳақида хабар берган эдик.
Мақсаджон Обиджонов
