Дунёнинг энг бой 25 оиласи рўйхати эълон қилинди
“Bloomberg” агентлиги 2020 йил охирида дунёнинг энг бой 25 оиласи рўйхатини тузди ва уни 18 сентябрь куни эълон қилди.
Рейтингга кўра, биринчи қаторни дунёдаги энг йирик “Wаlmart“ супермаркетлар тармоғига эга бўлган америкалик Уолтонлар оиласи эгаллади. Лидерларнинг бойлиги ўтган йилга нисбатан 23 миллиард долларга ўсди ва 238,2 миллиардга баҳоланди.
Иккинчи ўрин “Мars” шоколадли бар ишлаб чиқарувчиси бўлган Марс оиласига лойиқ кўрилди. Уларнинг бойлиги 141,9 миллиард долларга етди. Кучли учликни 111,6 миллиард бойликка эга бўлган “Hermes” мода уйига эгалик қилувчи француз Ҳермé оиласи якунлаган.
Нашр маълумотларига кўра, 2020 йилда дунёдаги энг бой 25 оиланинг бойлиги 312 миллиард доллар ёки 22 фоизга ошган.
Бундан аввал “Тime” журнали 2021 йилда сайёрамиздаги энг нуфузли 100 киши рўйхатини эълон қилган эди.
Насиба Тўхтаева
