Ухань лабораторияси олимлари коронавирусни 2018 йилдаёқ чиқариб юбормоқчи бўлган
Модификациядан кейин олимлар вирусни Хубэй провинциясидаги кўршапалакларга юқтиришни режалаштирган.
Таъкидланишича, COVID-19'нинг илк ҳолатлари аниқланишидан 18 ой аввал олимлар янги вирус яратиш режасини маълум қилган. Улар вирусни янги оқсил орқали модификация қилишга ҳаракат қилган. Аммо охир-оқибат айнан шу оқсил вируснинг ўта юқумли бўлишига олиб келган.
Модификациядан кейин олимлар вирусни Хубэй провинциясидаги кўршапалакларга юқтиришни режалаштирган. Бу уларни инсонга юқиши мумкин бўлган касалликларга қарши эмланиши учун зарур бўлган. Ушбу тадқиқотларга АҚШнинг мудофаа соҳасидаги истиқболли тадқиқот лойиҳалари агентлигидан 14 миллион доллар маблағ сўралган. Лекин агентлик тадқиқотни ўта хавфли деб ҳисоблаб, грант ажратишдан бош тортган.
Мақола муаллифларининг тахмин қилишича, Ухань лабораториясида бошқа вируслар устидан ҳам тадқиқот ўтказиш мақсад қилинган. Улардан бири Яқин Шарқ респираторли синдроми бўлиб, ундаги ўлим ҳолати 30 фоиздан ошади.
Бундан аввал АҚШ разведкаси коронавирус Ухань лабораториясидан тарқаб кетганини маълум қилган. Бу тахминлар ЖССТ томонидан ҳам илгари сурилди.
Шу билан бирга АҚШ махсус хизматлари ҳисоботида олимлар вирусни биологик қурол мақсадида яратмагани қайд этилган.
Жаҳонгир Қўзиев
