Дастин Порье танасидаги татуировкаларга изоҳ берди
UFC жангчиси Дастин Порье кўкрагига чизилган татуировкалар қандай маънони англатишига изоҳ берди:
“Танамда тўртта аёлнинг исми ёзилган, чунки ҳамма қатори мени ҳам аёллар тарбиялаган ва мен уларни жуда ҳам иродали, деб ҳисоблайман”. Спортчининг чап кўкрагига йўлбарс терисига ўхшаш чизиқлар ҳамда учта японча белги қўйилган. Йўлбарс терисидаги чизиқлар унинг беллашувларда ҳар доим ғалаба қозонишни хоҳлашини англатади. Учта японча белги эса “жангчилар йўли”, деб таржима қилинади.
Бу Порьенинг ҳар қандай ҳолатда ҳам жангчи бўлиб қолишини билдиради.
Дастиннинг ўнг елкасида қизининг исми ёзилган. Уни Паркер Ноэлле деб ўқиш мумкин.
Эслатиб ўтамиз, Дастин татуировкаларни 2016 йил 20 августда Флоринда исмли қизи туғилганида чиздирган.
Аввалроқ, Конор Макгрегорнинг дўсти АҚШда ҳибсга олингани ҳақида хабар берган эдик.
Жамшидбек Амиров
