Энди йўл-транспорт ҳодисалари ҳақида ҳайдовчилар хабарнома тузиши мумкин
Ҳукумат қарори билан транспорт воситалари эгаларининг фуқаролик жавобгарлигини мажбурий суғурта қилиш қоидаларига ўзгартириш ва қўшимчалар киритилди.
Қонунчиликка кўра, йўл-транспорт ҳодисалари бўйича ҳайдовчилар ИИБ ходимлари иштирокисиз ҳодиса тўғрисидаги хабарномани тузиш орқали суғурта товонини олиш тартиби жорий этилган.
Мазкур қарор 2021 йил 25 ноябрдан кучга киради.
Шунга мувофиқ, 2021 йил 1 ноябргача суғурта ташкилотларининг веб-сайтларида хабарнома бланкаси намунаси жойлаштирилади ва уни юклаб олиш имкони яратилади.
Хабарнома икки нусхада, қуйидаги асослар бир вақтнинг ўзида мавжуд бўлганидагина тузилади:
➖ жабрланувчига енгил жароҳат етмаганида ёки мол-мулк шикастланмаганида;
➖ иштирокчилардан бири ўз айбига иқрор бўлмаганида;
➖ ҳодиса пиёда иштирокисиз содир этилганида;
➖ ҳодиса фақат 2 та транспорт иштирокида бўлганида;
➖ иштирокчиларнинг фуқаролик жавобгарлиги суғурта қилинган бўлса;
➖ ҳайдовчилик гувоҳномаси, рўйхатдан ўтказганлик тўғрисидаги гувоҳнома, ишончнома, йўл варақаси мавжудлиги;
➖ ҳайдовчилар маст бўлмаса;
➖ транспортларнинг шикастланиши низони келтириб чиқармаса.
Аввалроқ, “права”сини алмаштирмаганларга қўшимча имкониятлар яратгани, ҳайдовчилик гувоҳносисиз машина ҳайдашга ва рулда телефондан фойдаланишга руҳсат берилиши мумкинлиги ҳақида хабар берилганди.
Чўлпоной Аҳмедова
