Жон Жонс: “Алькоголдан буткул воз кечаман”
Енгил вазн тоифасида собиқ UFC чемпиони Жон Жонс ўзининг ҳибсга олиниши ҳақида фикр билдирди:
“Менда спиртли ичимликлар ичиш билан боғлиқ жуда кўп муаммо бор. Ичсам миям ўзини бошқара олмайди. Бундан кейин алькоголдан буткул воз кечаман. Буни ҳаётимдаги энг тўғри қарор, деб ҳисоблайман. Ҳар қачонгидан ҳам яхшироқ ишлаш вақти келди”.
Жонс бир неча кун олдин оилавий зўравонликда гумон қилиниб ҳибсга олинганди.
Эслатиб ўтамиз, бундан олдин Жонс оғир вазн тоифасига ўтишни эълон қилганди. Aммо ўшандан бери у ҳеч қандай жанг ўтказмаган. Жонс деярли икки йилдан бери ҳеч қандай жанг ўтказмаяпти. Америкалик жангчи оғир вазн тоифасида UFC чемпиони Френсис Нганно билан жанг қилиши керак эди. UFC президенти Дана Уайт Жонснинг навбатдаги жанги 2022 йилгача бўлган муддатга режалаштирилган, деб айтган.
Аввалроқ Ўзбекистон аралаш жанг санъатлари ассоциациясининг янги вице-президенти сайлангани ва Александр Усик Илон Маскка совға тақдим этгани ҳақида хабар берилганди.
Жамшидбек Амиров
