Наманганда 35 миллион сўмлик тилла тақинчоқларни ўғирлаган аёллар аниқланди
Қайд этилишича, Янгиқўрғон туманида яшовчи, 1967 йилда туғилган фуқаро туман ички ишлар идорсига шу йил 28 сентябрь куни соат 10:00 да яшаш уйида ҳеч ким йўқлигидан фойдаланган номаълум шахс ҳовлисига очиқ қолган дарвозахона орқали кириб, ётоқхонасидаги умумий нархи 35 миллион сўмлик тилла тақинчоқларини ўғирлаб кетгани ҳақида мурожаат қилган.
Янгиқўрғон туман ИИБ ЖҚБ тезкор вакили ва ТБ терговчилари томонидан олиб борилган тезкор-қидирув ва суриштирув ҳаракатлари натижасида, ушбу жиноятни Наманган шаҳрида яшовчи 1987, 1989, 1987 ҳамда 2007 йилда туғилган аёллар содир этганлиги аниқланган.
Ушбу ҳолат бўйича Янгиқўрғон туман ИИБ ҳузуридаги ТБ томонидан 2021 йил 29 сентябрь куни Жиноят Кодексининг 169-моддаси 2-қисми билан жиноят иши қўзғатилган.
Аввалроқ Деновда пул ўғирлаган фуқаро ушлангани ва бухоролик ҳамшира аёл хонадонга ўғирликка тушгани хабар қилинганди. Шу билан бирга, шарбат тайёрлаш қурилмаси ичига яширинган тилла ва заргарлик буюмлари фош қилингани ҳамда Туркияга келин бўлган ўзбек қизи тиллаларни олиб уйидан қочиб кетгани ҳақида хабар қилинганди.
Чўлпоной Аҳмедова
