Коронавирус Ухань шаҳрида 2019 йилнинг ёзидаёқ тарқалган бўлиши мумкин
Коронавирус Ухань шаҳрида 2019 йилнинг ёзидаёқ тарқалган бўлиши мумкин. Бу ҳақда “Telgraph” газетаси “Internet 2.0” киберхавфсизлик бўйича компания маълумотларига таяниб хабар берди.
“Internet 2.0” маркази Ухань шаҳри билан Хубэй провинциясининг ПЦР-лаборатория бўйича тузган шартномалари бўйича суриштирув ўтказган. Унда айтилишича, 2019 йилда лаборатория учун 2018 йилдагига нисбатан 2 баробар кўп маблағ сарфланган.
Суриштурув муаллифлари 2019 йил ёзида ПЦР-лабораториялар учун харажат кескин ошганини таъкидлаган. Бу даврга келиб турли ташкилотлар томонидан лабораторияларга буюртмаларнинг кўпайгани қайд этилган. Улар орасида Ухандаги ҳарбий шифохона, Ухань вирусология институти ва Ухань илмий техника университетлари ҳам бўлган.
"Биз ўрганилган маълумотларга асосланиб, коронавирус Уханда 2019 йилнинг ёзидаёқ тарқалиб кетган, деган хулосага келдик. Май ойида харажатларнинг ошишига қараганда айнан шу пайт коронавирус тарқалишининг бошланғич даври бўлган", – дейилади тадқиқотда.
Aввалроқ АҚШ махсус хизматлари коронавирус келиб чиқиши бўйича Жозеф Байденга ҳисобот тақдим этганди. Шунингдек, ЖССТ вирус келиб чиқиши бўйича янги текширув ўтказмоқчи экани хабар қилинганди.
Жаҳонгир Қўзиев
