Шавкат Мирзиёев сирдарёлик сайловчилар билан учрашди

 

 

Президентликка номзоднинг вилоятдаги ишончли вакили Покиза Аҳмаджонова тадбирни очиб берди ва вилоятдаги сўнгги йилларда эришилган ютуқлар, хусусан Сардоба фожиасининг оқибатларини бартараф этишдаги саъй-ҳаракатлари ҳақида эслаб ўтди. 

 

“2023 йил Сирдарёга 60 йил тўлади. Мен бу заминга яқин жойда туғилганман ва Сирдарёни жуда яхши билан. Ислоҳотларимизга бефарқ бўлмаган, Янги Ўзбекистон қуриш ниятида бўлган инсонларни кўриб турганимдан жуда хурсандман. Бизнинг мустақиллигимизга 30 йил бўлди, лекин давлатчилик тарихимиз 3 минг йиллик. Боболаримизга муносиб бўлишимиз энг катта ютуқ.

Сирдарё чўллари менга яхши таниш, талабалигимизда бизни бу ерларга 3-4 ойлаб пахтага ташлаб кетарди. Яқин ўтмишни эслайлик, бундай йиғилишлар ўтказа олармидик? Ўтказсак ҳам хаёлимиз пахтада, “приписка”да бўларди. Мана, ўзингиз кўриб турибсиз, Сирдарёга ҳам саноат кириб келмоқда. Халқимизда бир ибора пайдо бўлди – қилса бўлар эканку! Ҳозир замон ўзгаряпти, ёшлар, талаблар ўзгаряпти. Агар биз тезкор ҳаракат қилмасак, орқада қолиб кетамиз. Албатта, ютуқлар ўзимизники. Мен сизлар билан камчиликларни бартараф қилиш бўйича мулоқот қилгани келдим”, – деди Шавкат Мирзиёев.

 

Аввалроқ давлатимиз раҳбари Шавкат Мирзиёев Наманган, Фарғона ва Андижон вилоятларида бўлиши ҳақида хабар берилганди.