Биз Хитой ва Россиядан фарқли ўлароқ вакцина эвазига ҳеч нарса талаб қилмаймиз — Жозеф Байден
АҚШ Хитой ва Россиядан фарқли ўлароқ бошқа давлатларга беғараз вакцина етказиб бермоқда. Бу ҳақда Жозеф Байден Иллинойс штатидаги чиқишида маълум қилди.
“Биз бошқа давлатларга ёрдам беришимиз шарт ва бизнинг ўз манфаатларимиз бор. Бундан ташқари мен бутун дунё раҳбарлари билан учрашдим ва бундан кейин ҳам учрашаман”, – деган Байден эмлашнинг аҳамияти ҳақида гапириб.
“Бошқа давлатлар ўзини кўп нарсага эришаётгандек кўрсатмоқда. Биз бутун дунёга бошқаларга қараганда кўпроқ вакцина етказиб беряпмиз. Лекин Хитой ва Россиядан фарқли ўлароқ вакцина эвазига ҳеч нарса талаб қилмаймиз. Ҳеч нарса. Ўйлайманки, бу муҳим аҳамиятга эга”, –– деган Президент.
АҚШ Админстрацияси маълумотларига кўра, Вашингтон ҳозирга қадар бутун дунёга 1.1 миллиард доза вакцина етказиб берган.
Бундан аввал коронавирус Ухань шаҳрида 2019 йилнинг ёзидаёқ тарқалган бўлиши мумкинлиги ҳамда Москвада эмланганлар ўртасида лоторея ўйналиши хабар қилинганди.
Жаҳонгир Қўзиев
