“Байер” ва “Лион” Азмунни қўлга киритмоқчи
“Байер” ва “Лион” клублари “Зенит” ҳужумчиси Сердар Азмунни эркин агент сифатида қўлга киритиш бўйича дастлабки музокараларни бошлади.
Хабарларга кўра, иккала жамоа ҳам ҳужумчини ёзда, Санкт-Петербург клуби билан шартномаси тугаганидан сўнг ўз сафига қўшишни хоҳламоқда.
Жорий мавсум Сердар Азмун “Зенит” сафида 12 та ўйинда майдонга тушиб, 6 та гол ва 1 та голли узатмани амалга оширди. Ҳужумчининг Санкт -Петербург клуби билан амалдаги шартномаси 2022 йилнинг 30 июнига қадар тузилган. Трансфермаркт интернет портали эронлик футболчининг нархини 25 миллион еврога баҳоламоқда.
Санкт-Петербургнинг “Зенит” клуби айни дамда Россия чемпионатида 10-турдан кейин 23 очко тўплаган ҳолда турнир жадвалида 1-ўринни эгаллаб турибди.
Аввалроқ, Исконинг “Лион”га ўтиши тахмин қилинаётгани ва Левандовски янги рекорд ўрнатгани ҳақида хабар берилганди.
Жамшидбек Амиров
