Instagram фойдаланувчиларига узилишлар олдини олиш учун янги имкониятлар тақдим этади
Instagram ижтимоий тармоғи фойдаланувчиларни дастур фаолиятида узилишлар ва аккаунт контентининг тарқатилиши ҳақида огоҳлантиришни бошлайди. Бу ҳақда компания хабар бермоқда.
Биринчи функция фойдаланувчиларга дастур фаолиятидаги техник муаммолар ҳақида маълумот беради. Иккинчиси эса “Аккаунт ҳолати” бўлиб, контент тарқатилиши ва фойдаланувчи саҳифаси хавф остида ёки хавфсиз эканини кўрсатиб туради.
“Бугун биз икки янги созламани тақдим этамиз. Улар одамларга Instagram фаолияти ва аккаунтлар ҳолати ҳақида дастурнинг ўзидан туриб кўпроқ маълумот олишга ёрдам беради”, — дейилади хабарда.
Фойдаланувчилар янги созламалар туфайли техник муаммоларни бартараф этиш муддатини кўриши ҳамда контент тарқатилиши бўйича норозилигини билдириши мумкин.
Эслатиб ўтамиз, 4 октябрь куни Facebook, Instagram ва WhatsApp ижтимоий тармоқлари фаолиятида глобал узилиш рўй берганди.
Шарофат Маҳмудова
