Очлик эълон қилган Саакашвили врачларни қабул қилишдан бош тортди

 

Грузия собиқ президенти Саакашвили  врачлар консилиуми билан ҳамкорлик қилиш ва таҳлиллар топширишдан бош тортди. Бу ҳақда “РИА Новости” хабар берди.

 

Собиқ президент бир неча кундан буён муолажа олиш ёки олмаслик юзасидан аниқ фикрга келолмаётган эди. У очлик эълон қилган ва  29 кундан буён овқатланмаяпти. Шу кунларда эса турма маъмурияти унинг адвокатлари кириши тартибини кучайтирганига норозилик тарзида врачларни қабул қилишдан бош тортди.

 

“Ўзингизга маълум сайлов кунига қадар минимал жисмоний фаолликни ва фикрлаш қобилиятимни сақлаб туриш мақсадида ҳукумат томонидан тайинланган врачлар консилиуми билан ҳамкорлик қилаётгандим. Аммо бугундан бу жараён тугаганини маълум қиламан ва врачларга миннатдорчилик билдираман. Ҳукумат уларнинг асосий таклифларига қулоқ солмаганидан афсусдаман. Шу кундан бошлаб очликка қарши таблеткаларни қабул қилмайман ва қон топширмайман”, – дейилади сиёсатчининг Facebook'даги саҳифасида эълон қилинган хабарда.

 

Маълумот ўрнида: Саакашвили 1 октябрь куни қамоққа олинган. У Грузияга 8 йиллик танаффусдан сўнг қайтиб келди. Саакашвили 2004-2013 йилларда мамлакатни бошқарган. Шундан кейин кейин у Украина фуқаролигини қабул қилган ва бир қанча лавозимларда ишлаган.

 

Бундан аввал Ираклий Кобахидзе Саакашвили мавзуси 30 октябрдан кейин кўпчиликнинг эсидан чиқиб кетишини айтганди. Шунингдек, собиқ президент нима учун Грузияга қайтгани хабар қилинганди.

 

Жаҳонгир Қўзиев