Тарихий натижа: АҚШ Сенатига илк мусулмон сенатор сайланиши мумкин
У сайлов кампаниясини Нью-Йорк мэри Зохран Мамдани қўллаган услубга яқин тарзда олиб борган.
Демократ номзод Абдул Эль-Сайед Мичиган штатидан АҚШ Сенатига сайланди. Бу ҳақда Associated Press хабар берди. Шу тариқа у АҚШ Сенати тарихидаги илк мусулмон сенатор бўлади.
Сайловда Эль-Сайед республикачи Майк Рожерс билан беллашган. Дастлабки натижаларга кўра, овозларнинг 82 фоизи саналганда демократ номзод 50,10 фоиз, унинг рақиби эса 45,50 фоиз овоз тўплаган. Кейинчалик Associated Press Эль-Сайеднинг ғалабасини эълон қилган.
Сайлов кампанияси давомида АҚШ президенти Дональд Трамп Эль-Сайедни танқид қилиб, уни «жиҳодчи» деб атаган. Шунингдек, уни миллий хавфсизликка таҳдид сифатида кўрсатган ва Мичиган сайловчиларини республикачи Майк Рожерсга овоз беришга чақирган.
Эль-Сайед сайлов кампаниясида Нью-Йорк мэри Зохран Мамдани қўллаган услубга яқин ёндашувдан фойдаланган. Сиёсий таҳлилчи Павел Дубравскийнинг Lenta.ru нашрига айтишича, номзод видеолар услуби ва ранглар танловида Мамдани кампаниясидан намуна олган.
