Бир-бирига нотаниш аёл ва эркакнинг зино қилишига шароит яратиб берган аёлга чора кўрилди
Навоийлик 52 ёшли аёл доимий қўшмачилик билан шуғулланиб келган.
Қизилтепа туманида истиқомат қилувчи 52 ёшли М.Н. пул топишнинг осон ва қинғир йўлини танлади. У туман ИИБ ТЭҚКГ ва ЖҚБ ходимлари ўтказган махсус тезкор-профилактик тадбирда 2 фуқарога фаҳш ишлар учун шароит яратиб бериш эвазига 200 минг сўм миқдорида пул олаётган вақтда қўлга олинди.
Ҳозирда мазкур ҳолат юзасидан терговга қадар текширув ҳаракатлари олиб борилмоқда.
Бундан аввал Тошкентда 359 нафар аёл фоҳишалик билан шуғуллангани учун жавобгарликка тортилгани ҳамда 3 аёлни Туркияга фоҳишалик қилиш учун жўнатаётган аёл Тошкент аэропортида ушлангани ҳақида хабар берилганди.
Муножат Валиева
