"Толибон" Покистонга муҳим дипломатик ёрдам бермоқда
Бу Исломобод хавфсизлиги учун катта аҳамиятга эга.
Расмий Исломобод Афғонистон ҳудудида Покистон толиблари билан музокаралар олиб бормоқда. Бу ҳақда Express Tribunе хабар берди.
Музокараларга Афғонистон ички ишлар вазифасини бажарувчи Сирожиддин Ҳаққоний воситачилик қилмоқда. Маълум қилинишича, ҳозирга қадар 3 марта учрашув бўлиб, улардан иккитаси Кобулда, биттаси Хост вилоятида бўлган.
Унда томонлар маълум келишувларга эришган. Хусусан, Покистон толиблари 1 ой давомида ҳеч қандай ҳужумлар амалга оширмасликка ваъда берган. Исломобод бунинг эвазига қамоқхонада сақланаётган жангариларни қўйиб юборишга рози бўлган.
Шунингдек, афғон толиблари "Таҳрики Толибон Покистон" террорчиларини йўқ қилишни таклиф қилган.
Аввалроқ Покистон толибларга террорчиларга қарши курашда ёрдам бераётгани ҳамда Забиҳулло Мужоҳид покистонлик толиблар Афғонистон "Толибон" ига алоқадор эмаслигини айтгани ҳақида хабар берилганди.
