Youtube лайк ва дислайк бўйича сиёсатини қайта кўриб чиқишга қарор қилди
Бундан буён маълум бир видеога нисбатан антипатия миқдори контенти томошабинлардан яширилади.
Қайд этилишича, компания шу йилнинг ёзида тажриба ўтказган ва дислайк ҳисоблагичларининг йўқлиги фойдаланувчиларнинг хатти-ҳаракатига ижобий таъсир кўрсатишини аниқлаган.
Жамоанинг таъкидлашича, одамлар кўпинча кўп сонли дислайкларга таяниб у ёки бу видеони кўрмайди.
“Биз ижодкорлар муваффақиятга эриша оладиган ва ўзларини хавфсиз ифода этиш кучини ҳис эта оладиган инклюзив ва ҳурматли муҳит яратмоқчимиз”, — дейилади YouTube баёнотида.
Шу билан бирга, лайк қўйиш имконияти сақланиб қолинади. Ёқтирмаганлар ҳақидаги маълумотлар YouTube Studio'да видео ижодкорлар контенти самарадорлигини баҳолаш учун мавжуд бўлиб қолади. Аммо контент фойдаланувчилари ҳисоблагични кўриш қобилиятини йўқотади.
Видеохостинг матбуот хизмати ушбу чораларни “томошабинлар ва муаллифлар ўртасидаги ҳурмат мулоқотини таъминлаш учун” кўрилганини қўшимча қилди. YouTube ўзгаришлар бугундан бошлаб барча фойдаланувчилар учун босқичма-босқич жорий этилишини айтди.
Эслатиб ўтамиз, аввалроқ Youtube ва Google энди иқлим ўзгаришига қарши бўлган саҳифаларни реклама ва тўловлардан маҳрум қилгани ҳақида хабар берилганди.
Насибаа Тўхтаева
