Аҳоли иш ва электр энергияси билан таъминланади

 

Унда қайта тикланувчи энергия манбаларини кўпайтириш ва соҳани ривожлантириш масалалари муҳокама этилди. Шунингдек, соҳада келгусида амалга ошириладиган ишлар кўриб чиқилди.

 

"Глазгода ўтказилган Иқлим бўйича халқаро саммитда Ўзбекистон 2030 йилгача ялпи ички маҳсулотга нисбатан иссиқхона газлари улушини 35 фоизга камайтиришни ташаббус қилди. 

Ўтган уч йилда қайта тикланувчи энергия учун ҳуқуқий база шакллантирилиб, қулай шарт-шароитлар яратилди. 

Натижада,  3 миллиард доллар миқдорида хорижий инвестициялар ҳисобига 2,9 минг мегаваттли 10 та қуёш ва шамол электр станцияларини барпо этиш ишлари бошланди" - деди давлатимиз раҳбари.

 

Шунингдек, Президент тадбир давомида муқобил энергетикани ривожлантиришдаги вазифаларни аниқ белгилаб берди.

 

Унга кўра: 

 

- шамол ва  қуёш электр станциялари қувватини 2026 йилга қадар 8 минг мегаваттга етказиш;

 

- йирик саноат корхоналарида қайта тикланувчи ўз энергия манбаларини ташкил этишига шароит яратиш, аҳоли ва тадбиркорларни қайта тикланувчи энергия манбаларидан фойдаланишини қўллаб қувватлаш;

 

- 8 минг мегаваттли электр станцияларини қуришда ишлатиладиган 6 миллиардлик хом-ашё материалларини маҳаллийлаштириш чораларини кўриш;

 

- қурилишлар натижасида 1 минг нафар муҳандис, қарийб 3 минг нафар ўрта бўғин мутахассисларига яратиладиган иш ўринлари учун муносиб номзодларни етказиб бериш мақсадида  йил якунига қадар Навоийда қайта тикланувчи энергия соҳасида кадрлар тайёрлаш марказини ишга тушириш, Навоий ва Сирдарёдаги ўқув марказларида халқаро стандартлар асосида йилига 200 нафар малакали мутахассис тайёрлаш йўлга қўйиш каби муҳим масалалар муҳокама марказида бўлди.