Месси собиқ жамоадоши ҳақида фикр билдирди
“ПСЖ” ҳужумчиси Лионел Месси илк бор Хавининг “Барселона” клубига бош мураббий этиб тайинлангани ҳақида гапирди:
“Хави ажойиб инсон, у яхши мураббий сифатида жамоада ишлай олишига ишонаман. У “Барселона” клубини ёшларга имконият берган ҳолда, янада кучайтира олади”.
Хави “Барселона”ни ноябрь ойининг бошида қабул қилиб олганди. 41 ёшли мутахассиснинг “кўк-анорранглилар” билан шартномаси 2023/2024 йилги мавсум охиригача амал қилади.
Эслатиб ўтамиз, у футболчилик фаолияти давомида 1998 йилдан 2015 йилгача “Барселона” шарафини ҳимоя қилган. Хави бошчилигидаги “Барселона” клуби дастлабки ўйинда Испания чемпионатининг “Эспанёл”га қарши беллашувида 1:0 ҳисобида ғалаба қозонди.
Аввалроқ Коутиньо “Барселона”дан кетмоқчи эмаслиги ва каталония клубида норозичилик бошлангани ҳақида хабар берилганди.
Жамшидбек Амиров
