Энди музейлар даромад келтирадиган фаолият билан шуғулланади
Талаб қилинадиган нарса шуки, музей ашёлари ва коллекциялари бут сақланиши керак.
“Музейлар тўғрисида”ги Ўзбекистон Республикаси Қонунига қўшимчалар киритиш ҳақида”ги Қонун Президент томонидан имзоланди.
Киритилган қўшимчага кўра, бундан буён музейлар таъсис ҳужжатларига мувофиқ даромад келтирадиган фаолият билан шуғулланиши мумкин. Шунингдек, давлат музейларига пулли хизматлардан, хайриялардан тушадиган маблағлар келгуси йил учун бюджетдан муассасага ажратиладиган молиялаштириш суммасини камайтиришга асос бўлмайди.
Бундай тушумлардан давлат музейларининг моддий-техника базасини ривожлантириш ва қонунчиликда тақиқланмаган бошқа мақсадлар учун фойдаланилади.
Эслатма. Қонун расмий эълон қилинган кундан эътиборан кучга киради.
Аввалроқ Маданий мерос агентлигининг вазифалари белгилангани ҳақида хабар берилганди.
Оламгир Абдиев
