Блоомберг дунёдаги энг нуфузли 50 кишини эълон қилди

 

Блоомберг, 2021 йилда дунёдаги энг нуфузли одамлар рўйхатини эълон қилди.

 

Ҳар йили ўтказиладиган сўровда жорий йилда эришган ютуқлари “эътирофга лойиқ” бўлган бизнес, кўнгилочар, молия, сиёсат, фан ва технология соҳалари вакиллари тилга олинади.

 

Шундай қилиб, Pfizer фармацевтика компаниясининг бош директори Алберт Бурла бизнес йўналишида еткачилик қилмоқда. Хабар қилинишича, корхонанинг BioNTech билан ҳамкорликда эришган ютуғи натижасида COVID-19 вакцинаси бўйича 36 миллиард доллардан ортиқ битимлар тузилди ва препарат "бу йил энг кўп сотилган фармацевтика маҳсулоти”га айланди.

 

Молия тоифасига, хусусан, дунёдаги энг бадавлат аёллардан бири, Амазон бош директори Жефф Безоснинг собиқ рафиқаси Маккензи Скотт киради. У ажрашганидан кейин 800 га яқин хайрия ташкилотига 8,6 миллиард доллар хайрия қилганидан кейин энг саховатли хайриячи номини олди.

 

“Сиёсат” рукнида, россиялик мухолифатчи Алексей Навалний ҳам бор. “Кремлнинг ашаддий танқидчиси заҳарланганидан кейин хорижда тузалиб ватанига қайтди,у 10 ойдан ортиқ вақт давомида ҳибсда сақланмоқда”, — дейилади агентлик хабарида.

 

Илм-фан ва технология бўлимида биринчи бўлиб TikTok ижтимоий тармоғининг бош директори Ванесса Паппас турибди. TikTok йилнинг биринчи ярмида икки асосий рақобатчиси - Instagram (17,7 миллион) ва Snapchat (14,2 миллион)ни ортда қолдирган. Иловани АҚШда 34,6 миллион одам юклаб олган. Ва ниҳоят, кўнгилочар категорияда энг нуфузлилардан бири машҳур қўшиқчи Бритни Спирс бўлиб, у ноябрь ойида беш ойлик суд муҳокамаларидан сўнг ўзини отасининг 14 йиллик васийлигидан озод, деб эълон қилди.

 

Аввалроқ дунёнинг яшаш учун энг қиммат шаҳарлари рейтинги эълон қилинган эди.

 

Насиба Тўхтаева тайёрлади.