Фарғонада ўз акаси учун жиноятга қўл урган шахс ушланди
Вояга етмаган шахс бировнинг автомашинасини олиб қочган.
Қайд этилишича, 2021 йил 8 декабрь куни соат 20:35 ларда Қўқон яшовчи фуқаро 60 ёшли р.М. Фарғона вилояти ИИБ “102” хизматига мурожаат қилиб, унда Қўқон шаҳар Шарқ мавзеси 9-сонли кўп қаватли уйнинг ёнида жойлашган автотураргоҳдан “Газ-3102” русумли автомашинасини номаълум шахс олиб қочганлигини маълум қилган.
Мурожаат юзасидан олиб борилган тезкор қидирув ишлари натижасида бу жиноятни Вояга етмаган 16 ёшли Т.О. автомашинанинг эшикларини калит танлаш йўли билан очиб, автомашина қулфини бузган.
Шундан сўнг, электр кабелларини улаш йўли билан ўт олдириб, автоуловни Бувайда тумани Янгиқўрғон қишлоғида яшовчи фуқаро П.Э.га акасининг қарзи эвазига гаровга бериб юборганлиги маълум бўлган.
Олиб қочилган “Газ-3102” русумли автомашина Э.П.дан холислар иштирокида ашёвий далил сифатида олинган.
Ҳодиса юзасидан Қўқон шаҳар ИИБ ҳузуридаги ТИБ томонидан Вояга етмаган Т.О.га нисбатан Жиноят кодекснинг 267-моддаси 1-қисми (Транспорт воситасини олиб қочиш) жиноят иши қўзғатилди.
Ҳозирда тергов-суриштирув ишлари олиб борилмоқда.
Эслатиб ўтамиз, аввалроқ Тошкентда шиналар ўрнига ғишт қўйиб кетаётган ўғирилар қўлга тушгани ҳамда 15 ёшли қиз ўғирликка қўл ургани ҳақида хабар берилганди.
Чўлпоной Аҳмедова
